PAPANIMULA O KALIGIRAN

      Tinututulan ng Unibersidad ang kautusan ng Commission on Higher Education (CHEd) na tanggalin ang Asignaturang Filipino sa kolehiyo bilang pakiki-ayon sa bagong kurikulum ng K-12. Malansang isda naman kung ilarawan ng mga guro at mag-aaral ang Commission on Higher Education (CHEd) at ang Gobyernong Aquino sa pagtatanggal ng Asignaturang Filipino sa makabagong kurikulum.

 

       Ang kahalagahan ng paksang ito ay nagpapatunay na mahalaga ang ating wikang Filipino sa lipunan. Hindi kinakailangan na alisin ito upang bigyang daan ang makabagong kurikulum dahil hindi naman ito magiging hadlang sa pag-unlad ng ating bansa. Mahalaga na pag-aralan ang wikang Filipino upang mapanatili ito sa ating lipunan at mapahalagan para sa susunod na henerasyon.

     

 

      Paliwanag ng CHEd, isa tong hakbangin na kinakailangan upang madaling makasabay sa ragasa ng globalisayon ang mga Pilipino. At bilang solusyon sa kinakaharap na suliranin sa ating edukasyon.

MUNGKAHING TITULO O PANGALAN NG GAWAIN

      Ang pag-alis ng Asignaturang Filipino sa makabagong kurikulum na naglalayon upang bigyan ng daan ang K-12. Hindi magiging hadlang ang Wikang Filipino sa pag asenso ng ating bansa.

RASYUNAL

 Rasyunal

Ang paksang ito ay nakapukaw kaagad sa aming damdamin dahil tinatalakay nito ang isang isyung pang-eduksayon sa ating bansa. Napili namin ito dahil nais naming bigyan ng pansin ang pag-aalis ng asignaturang Filipino sa makabagong kurikulum. Para sa amin hindi kailangan alisin ang asignaturang Filipino sa pagtuturo dahil mahalaga na pag-aralan ito upang mapanatili hanggang sa susunod na henerasyon. Kaya din namin napili ito upang maipakita at maihayag ang kahalagahan ng wikang Filipino sa ating lipunan tulad ng pakikipagkomunikasyon at ang pagkakaroon ng ating bansa ng sariling wika. Mahalaga ito na talakayin upang maging mulat ang ating mga isipan sa mga kaganapan sa ating lipunan lalo na sa ating wika. 

MITHIIN

    

Mithiin

 Wikang Filipino ang pundasyon sa maayos at magandang pakikipagkomunikasyon ng bawat taong nakikipag-usap at nakikisalamuha sa iba’t-ibang tao. Kaya hindi dapat tanggalin ang asignaturang Filipino sa pagtuturo dahil ito ang wika kung saan magiging mabisa ang pag-uusap at pag-uunawaan ng bawat tao. Hindi lang sa larangan ng edukasyon makakatulong ang paggamit ng Wikang Filipino. Dahil dito nagkakaroon ng maayos na ugnayan ang bawat Pilipino sa iba’t ibang industriya ng paghahanapbuhay, mapalokal o media man ito ay malaki ang maitutulong ng Wikang Filipino. Kung wala ito at tatanggalin hindi magiging mabisa at hindi magkakaunawaan ang pag-uusap.

 

LAYUNIN

Mga Layunin

  Layunin ng adbokasiyang ito na ipaalam sa atin ang mga pagbabagong nagaganap sa sistema ng edukasyon, upang mabigyang pansin. Kailangan nating bigyan ng pansin ito dahil tumutukoy ito sa kinabukasan ng bawat mamamayanang Pilipino. Ito din ay karapatan ng bawat isa. Layunin din nitong isulong ang Wikang Filipino upang mapahalagahan at maipagpatuloy pa sa susunod na henerasyon. At hindi magiging balakid ang ating wika sa ating pag-unlad.

BENEPISYO AT INAASAHANG RESULTA

      Ang adbokasiyang ito ay para sa lahat ng mamamayanang Filipino. Ito ay makatulong para sa mga mag-aaral at mga guro. Kung hindi aalisin ang Wikang Filipino sa pagtuturo, ito ay mapapahalagahan at mapapaunlad pa ng mga mag-aaral. Hindi na din mawawalan ng trabaho ang ilang mga guro. Mahalaga ang Wikang Filipino dahil ito ang ginagamit natin sa ating pang-araw araw na buhay. Kailangan natin itong pahalagahan upang hindi mawala ng lubusan sa ating pamumuhay at para sa susunod na henerasyon.